Пачынаем размаўляць па-беларуску!

Ветлівымі словамі дарослыя і дзеці карыстаюцца амаль штодня. Давайце праверым свае веды і пакажам прыклад ветлівых паводзін дзецям:

Дзякуем

Сардэчна дзякую! Я ўдзячны (удзячна) Вам! Дзякуй за дапамогу! Дзякуй за ўсё!

Просім прабачэння

Прабачце, калі ласка! Я прашу прабачэння! Вельмі шкадую, што нарабіў Вам клопату. Не сярдуйце, так атрымалася. Даруйце, мне вельмі непрыемна.

Радуемся

Вельмі добра! Цудоўна! Выдатна! Вось здорава! Якое шчасце! Вось гэта навіна! Мне вельмі прыемна! Я задаволены (задаволена)! Вы мяне ўзрадавалі! Мне гэта даспадобы! Гэта самая шчаслівая хвіліна ў маім жыцці! Я вельмі рады (рада)!

Жадаем

Жадаю шчасця! Каб Вы здаровы былі і радаваліся! Хай Вас Бог беражэ! Хай Вам шчасціць! Хай будуць здаровы Вашы родныя! Расці дужы (дужая) ды вялікі (вялікая)! Хай здзейсняцца ўсе спадзяванні! Бывайце здаровы, жывіце багата! Добрай дарогі! Хай усё будзе добра! Хай Вам лёс не здрадзіць!

Імёны

Для бацькоў імя сына ці дачкі — самае пяшчотнае і мілагучнае. Кожнае дзіця любіць, каб да яго звярталіся неяк асабліва. Камусьці падабаюцца памяншальныя ласкавыя формы імя, камусьці — толькі поўныя. Дзецям будзе цікава на некалькі хвілін акунуцца ў мінулае нашай краіны і даведацца, якія імёны існавалі раней на Беларусі.

Калі шануеш тую мову ,

Якую продкі збераглі,

Скажы на ёй такія словы,

Каб у вяках яны жылі.

"Прыгажосць беларускай мовы"

Беларуская мова - гэта дзяржаўная мова беларусаў. Уваходзіць у індаеўрапейскую моўную сям'ю, славянскую групу, усходнеславянскую падгрупу.

Наша родная мова самая прыгожая і вельмі мілагучная. Яна - нібы спеў салаўя, нібы звон капеліранняй вясной, нібы гук сярпа ў полі; яна цеплая, як матуліна пяшчота!

 

Прыкладны  пералік мерапрыемстваў для выхаванцаў па развіццю беларускага маўлення

- Гульня-віктарына «Твая зямля – Твая Радзіма» для дзяцей старэйшага дашкольнага ўзросту.

- Вольны час «Мы – беларусы» для дзяцей старэйшага дашкольнага ўзросту.

- Літаратурная гадзіна «Прывітанне ад дзяцькі Янкі і дзяцькі Якуба» для дзяцей старэйшага дашкольнага ўзросту.

- Літаратурная вандроўка «Цікавых кніг на свеце шмат» для дзяцей сярэдняй групы.

-  Літаратурна-музычная хвіліна «Дзень беларускай мовы» для дзяцей старэйшага дашкольнага ўзросту.

- Беларускія вячоркі для дзяцей сярэдняй групы. - Свята «Зімовыя калядкі» для дзяцей старэйшага дашкольнага ўзросту.

- Музычна-спартыўнае свята «Масленіца» для дзяцей сярэдняга і старэйшага дашкольнага ўзросту.

- Фальклорнае свята «Гуканне вясны» для дзяцей старэйшага дашкольнага ўзросту.

- Свята «Перазвоны роднага краю» для дзяцей сярэдняй групы.

- Музычна-тэатральнае прадстаўленне «Мой родны кут, мая зямля» для дзяцей сярэдняй групы.

- Музычна-тэатральнае свята «Зямля з блакітнымі вачыма» для дзяцей старэйшай групы.

- Свята «Пасядзелкі ў цёткі Васілісы» для дзяцей 2 малодшай групы.

- Інтэлектуальная гульня «Што? Дзе? Калі?» на тэму «Беларусь – зялёная краіна» для дзяцей старэйшай групы.

- Фальклорнае свята «Ручнічок сабе гатавала» для дзяцей старэйшай групы.

- Свята «У гонар продкаў» для дзяцей старэйшай групы.

- Гульня-падарожжа «Далёкіх продкаў запавет» для дзяцей старэйшага дашкольнага ўзросту.

- Забава «Сёння ў нашай хаце свята» для дзяцей старэйшай групы.

- Камунікатыўная гутарка «Кожнаму свой куток мілы» для дзяцей сярэдняй групы.

- Забава «У мядзведзя на бару грыбы, ягады бяру» для дзяцей малодшага дашкольнага ўзросту.

- «Свята прылёту бусла» для дзяцей старэйшага дашкольнага ўзросту.

- Забава «Разам весела гуляць» для дзяцей дашкольнага ўзросту па матывах беларускіх народных гульняў.

- Літаратурная вечарына «Творчасць Я.Коласа» для дзяцей старэйшага дашкольнага ўзросту.